Showing posts with label Chicken. Show all posts
Showing posts with label Chicken. Show all posts

Wednesday, March 11, 2020

Paano Gawin Ang Chicken Pop


Ang chicken pop ay madaling lutuin at tiyak magugustuhan ito ng mga mahal nyo sa buhay.

Mga sangkap:

1/2 kilo pitso ng manok (hiniwa)
1 tasa harina
1 tasa bread crumbs or panko
1 pirasong itlog
1/4 tasa tubig
asin ayon sa iyong panlasa
paminta durog ayon sa iyong panlasa

Paraan ng Pagluluto

1. Timplahang maigi ang manok ng asin at paminta ayon sa iyong panlasa.




2. Paghaluing maigi ang itlog at tubig, timplahan ng asin.
3. Ilagay ang mga hiniwang pitso ng manok sa harina, pagkatapos ay isawsaw sa pinaghalong itlog at tubig, patitisin, saka pagulungin sa breadcrumbs o Panko.

 4. Mag init ng mantika saka prituhin ang chicken pop.
5. Lutuin sa katamtamang init ng apoy siguraduhing maluto pati ang loob na bahagi ng chicken pop. Ihain kasama ng ketchup o kung anoman ang paborito ninyong sawsawan.


Sunday, March 8, 2020

Paano Lutuin ang Fried Chicken



Ang Fried Chicken or piniritong manok ay isa sa mga pinakapopular na putahe ng manok, kahit may iba't ibang paraan ng pagluluto ang mga tao dito, may iba di na nilalagyan ng harina o breading, may iba naman sili powder at harina ang ginagawang coating ng fried chicken, pero kahit ano pa man ang sangkap, basta't sinabing fried chicken, patok talaga sa lahat.


Mga sangkap:
1 kilo manok (hiniwa)
2 kutsara katas ng calamnsi
asin at paminta (panimpla)
1 tasa harina
mantika na pagpipirituhan


Paraan ng Pagluluto:

1. Timplahan ang manok ng kalamansi, asin at paminta. Haluing maigi.
2. Pagulungin sa harina at prituhin hanggang sa maluto.
3. Ihain kasama ng ketchup o anomang sawsawan na gusto mo.


Sa pagpipirito ng manok para hindi maging hilaw ang loob na bahagi, habang niluluto ito ay wag masyadong malakas ang apoy para unti-unting maluto ang loob at di pa sunog ang labas na bahagi, kapag malapit ng maluto saka lakasan ang apoy para magkaroon ng magandang kulay.


Kung gusto nyong iimprove ang lasa sa pamamagitan ng paglagay ng mga powder na panimpla nasa sa inyo na po yon.

Friday, March 6, 2020

Paano Lutuin Ang Puso Ng Manok


Ang puso ng manok ay hindi gaanong binibigyan ng pansin, pero kung alam mo paano ito ihanda, masarap ang puso ng manok. Sa bansang Brasil isa ito sa mga parte ng manok na common gamitin bilang inihaw sa paraan nila na ang tawag ay "churrasco". Sa mga restaurant ay siniserve din ito sa mga a la cart. Ang paraan na maluto ito ng madali ay sa kawali. Pero kung may oras kayo pwede rin itong ilagay sa barbecue stick saka iihaw. Sa susunod ilalagay ko dito kung paano ang inihaw nito.

Mga sangkap:
1/2 kilo puso ng manok (malinis na)
2 buo sibuyas -hiniwa
asin ayon sa iyong panlasa
mantika

Paraan ng pagluluto:
1. Initin ang mantika, kapag mainit na ilagay ang puso ng manok, lakasan ang apoy at haluing madalas para pantay ang pagkakaluto, parang isasangag mo lang ang puso ng manok kaya maganda malakas ang apoy para hindi magtutubig, kapag half cooked na ay ilagay ang sibuyas at timplahan ng asin.
2. Ituloy ang pagsangag sa malakas na apoy hanggang maluto ito.
3. Ihain.

Friday, November 15, 2019

Paano Lutuin Ang Atay Ng Manok Na May Sarsa


Ang atay ng manok ay sagana sa Bitamina A na tumutulong pampalinaw ng mata at Bitamina B12 na tumutulong maiwasan ang anemia, pero mayroon itong mataas na content ng colesterol kaya dapat kumain lang ng katamtaman.Sagana rin ito sa folate na tumutulong para makalikha ng mga bagong celula sa ating katawan. Paborito ko ang atay ng manok, ikaw rin ba kabayan gusto mo ang atay ng manok?

Mga Sangkap:
1 kilo atay ng manok (hugasan at patulin ang tubig)
1/2 tasa toyo
1 tasa tubig (dagdagan kung kailangan)
bell pepper pula at green
1 sibuyas (hiniwa ng maliliit)
3 butil ng bawang dinikdik
1 kutsara luya hiniwa (strips)
dahon ng sibuyas
asin ayos sa iyong panlasa
paminta ayon sa iyong panlasa
1 kutsarita corn starch tunawin sa 2 kutsarang tubig

Paraan ng pagluluto:
1. Gisahin ang luya, bawang at sibuyas lakasan ang apoy saka ilagay ang atay hayaang magisa ito sa loob ng 2 minuto saka ilagay ang toyo at pakuluin ng 1 minuto.
2. Ilagay ang tubig at haluing maigi, timplahan ng asin at paminta kung kailangan saka pakuluin ng 3 minuto o  hanggang sa malapit ng maluto ang atay.
3.Ilagay ang corn starch at pakuluin hanggang sa lumapot, haluin ng haluin habang nilalagay ang cornstarch para di mamuo, ilagay ang bell pepper at sibuyas saka patayin ang apoy at ihain.

Huwag i-over cooked para hindi matigas ang texture ng atay.

Kung gusto nyong iimprove ang lasa sa pamamagitan ng paglagay ng mga powder na panimpla nasa sa inyo na po yon.

Saturday, October 19, 2019

Paano Gawin Ang Chicken Roll




Ang chicken roll (chicken cordon bleu)ay isang putaheng madalas siniserve sa mga especial na okasyon, lalo na kung mula sa mga food catering services isa ito sa mga pambato nila, dahil bukod sa presentable ito ay masarap pa. Madali lang itong gawin mga kabayan kaya sana magustuhan nyo ang version kung ito.

Mga sangkap:
2 piraso petso ng manok (chicken breast)
3 hiwa ng ham (hatiin sa gitna)
6 hiwa ng keso kasing laki ng french fries
1 tasa harina
1 tasa bread crumbs o panko
1 piraso itlog
asin
paminta powder


Paraan ng Pagluluto:
1. Hiwain ang petso ng manok na manipis kung magagawa nyong 3 na hiwa katulad ng nasa larawan, kung hindi naman ay pwede na ang hatiin lang ito sa dalawa.



2. Pagkatapos na mahiwa, budburan ng asin at paminta, ipatong ang ham at keso, pagkatapos ay i-roll ito at lagyan ng toothpick para manatiling nakaroll. Pagkatapos ng prosesong ito ay ihanda ang harina, itlog at breadcrumbs dahil isawsaw natin ito bago prituhin.







 3. Batihin ang itlog at lagyan ng 1/2 tasa ng tubig at batihin uli hanggang sa mahalong maigi. Una ilagay sa harina ang nakaroll na manok, pagkatapos ay isawsaw sa binating itlog at pagulungin  sa breadcrumbs.

4. Initin ang mantika at prituhin ang chicken roll sa katamtamang init ng apoy hanggang sa maluto ito. Kapag sobrang init ang apoy, ang resulta ay hilaw sa gitna pero ang labas na bahagi ay mukha ng luto, kaya katamtaman lang dapat ang init ng apoy.


5. Kapag naluto na ay hanguin ito at ilagay sa paper towel para maalis ang sobrang mantika, alisin ang toothpick, saka hiwain at ihain kasama ng iyong paboritong sawsawan.





Tuesday, July 23, 2019

How To Cook Pan Grilled Chicken



Si Malley at ako kapag nagluluto gusto naming dalawa yong mabilisan lang at madaling gawin, tulad nitong pan grilled chicken breast.

Mga sangkap:
  •  1 piraso petso ng manok
  • asin at paminta na panimpla
  • 2 kutsara butter o mantika
Paraan ng pagluluto:
  1. Hatiin sa gitna ang petso ng manok.
  2. Timplahan ng asin at paminta.
  3. Initin ang mantika o butter, kapag mainit na ay ilagay ang manok, lakasan ang apoy para ang kulay nya ay parang inihaw,  tulad ng nasa larawan.
  4. Ihain kasama ng kanin o gulay.

English version
Ingredients:
  • 1 chicken breast
  • salt and pepper to taste
  • 2 tablespoons butter or oil
Procedure:

  1. Slice the chicken breast into halves.
  2. Season with salt and pepper.
  3. Heat the oil or butter, when it’s hot put the chicken and increase the heat to pan grilled the chicken, cook it until done like the one in the picture.
  4. Serve with rice or vegetables.

Sunday, June 2, 2019

How To Cook Fried Chicken



Ang Fried Chicken or piniritong manok ay isa sa mga pinakapopular na putahe ng manok, kahit may iba’t ibang paraan ng pagluluto ang mga tao dito, may iba di na nilalagyan ng harina o breading, may iba naman sili powder at harina ang ginagawang coating ng fried chicken, pero kahit ano pa man ang sangkap, basta’t sinabing fried chicken, patok talaga sa lahat.
Mga sangkap:
  • 1 kilo manok (hiniwa ayon sa gusto mong laki)
  • 2 kutsara katas ng calamnsi
  • asin at paminta (panimpla)
  • 1 tasa harina
  • mantika na pagpipirituhan
Paraan ng Pagluluto:
  1.  Timplahan ang manok ng kalamansi, asin at paminta. Haluing maigi.
  2. Pagulungin sa harina at prituhin hanggang sa maluto.
  3. Ihain kasama ng ketchup o anomang sawsawan na gusto mo.
Sa pagpipirito ng manok para hindi maging hilaw ang loob na bahagi, habang niluluto ito ay wag masyadong malakas ang apoy para unti-unting maluto ang loob at di pa sunog ang labas na bahagi, kapag malapit ng maluto saka lakasan ang apoy para magkaroon ng magandang kulay at malutong ang balat.
Kung gusto nyong iimprove ang lasa sa pamamagitan ng paglagay ng mga powder na panimpla nasa sa inyo na po yon.

English Version

Ingredients:
  • 1 kilo Chicken (sliced to your desired size)
  • 2 tablespoons calamansi juice or lemon
  • salt and pepper to taste
  • 1 cup flour
  • oil for frying
Procedure:

  1. Season the chicken with lemon juice, salt and pepper. Mix well.
  2. Bread the chicken with flour and fry until cooked. While cooking see to it that the heat is not too high so that the inside part of the chicken is well cooked. When almost done cooking adjust the heat to high to give a nice color to the fried chicken and a crispy skin.
  3. Serve with your favorite sauce.

Search This Blog