Showing posts with label Pork. Show all posts
Showing posts with label Pork. Show all posts

Sunday, June 12, 2022

Pork Belly Sinigang


Ingredients:

500 grams pork belly (sliced to your desired size)
500 grams taro root ( gabi)
1 radish (sliced)
1 bunch string beans ( cut to your desired length)
2 medium size tomato
1 onion
1 sachet Sinigang Mix
6 cups rice washing or water
1/4 cup fish sauce (patis)
some chili
salt and pepper to taste



Procedure:
1. In a pot put the pork, tomatoes,  fish sauce, onion and chili  then cook over low heat until  simmering, allow to simmer until the pinkish color of the meat is gone.
2. Add the water and bring to a boil, add the taro root,  simmer until everything is tender.
3. Add the string beans and radish, simmer until done then add the sinigang mix and simmer for a minute then turn off the heat.
4. Serve and enjoy.






Saturday, June 11, 2022

Buttered Pork Chop


Ang karne na niluto sa mantikilya (butter) ay masarap dahil tumutulong ang mantikilya na maimprove ang lasa ng karne dahil ang mantikilya ay nagbibigay ng nutty flavor sa karne na hindi mangyayari kung gagamitan lang natin ng ordinaryong mantika. Kaya subukan nyo mga kabayan.

Mga sangkap:

2 piraso pork chop
1 kutsara katas ng lemon o kalamansi
1 kutsara mantikilya (unsalted)
asin at paminta na panimpla

Paraan ng Pagluluto:

Timplahan ang pork chop ng, kalamansi, asin at paminta.
Initin ang butter sa lutuan, kapag mainit na ilagay ang pork chop, baliktarin paminsan minsan hanggang sa maluto.
Ihain kasama ng kanin o french fries.


English Version

Ingredients:

2 slices pork Chop
1 tablespoon lemon juice
2 tablespoons butter (unsalted)
salt and pepper to taste
Procedure

Season the pork chops with, lemon juice, salt and pepper.
Heat the butter in a pan, when it is hot, put the pork chop, turn each side every now and then until done.
Serve with rice or french fries.

Sunday, April 12, 2020

Paano Lutuin Ang Crispy Pata



Isa sa mga sikat na pagkaing Pinoy ang crispy pata lalo na sa mga special na handaan, kaya ito ang naisipan kong unang ibahagi sa inyo. Madali lang itong lutuin mga kababayan, pero ingat lang sa pagpipirito para di mapaso.

Mga sangkap:
1 pirasong pata (malinis na)
3 litrong tubig (dagdagan kung kailangan)
3 butil ng bawang (dinikdik)
1/2 kutsarita ng pamintang durog
1 kutsarang asin
2 litro mantika

Paraan ng Pagluluto:
1. Sa malaking caldero ilagay ang tubig, asin, paminta, bawang at pata, pakuluan hanggang sa lumambot. Kapag malambot na hanguin ang pata at patuluin.
2. Initin ang mantika sa kawali sa katamtamang apoy, kapag mainit na, ilagay ang pata at prituhin hanggang sa maluto ito. 
3. Hanguin at ihain kasama ng paborito mong sawsawan.

Tips: Para lalong lumutong ang balat wisikan ng tubig paminsan minsan habang pinipirito ito.

Pwede ring budburan ng pritong bawang kapag inihain para lalong sumarap.

Wednesday, December 11, 2019

Paano Gawing Perfect Ang Lechon sa Oven


Kitang kita sa larawang ito na kaakit akit ang balat ng baboy. Niluto ko lang ito sa oven, sa paraan na magiging malambot sya, yong sinasabi nila sa English na "it melts in your mouth" super crsipy ang balat pero super lambot ang karne, perfect!!!!

Mga sangkap:
2 kilo tiyan ng baboy
asin at paminta na panimpla


Paraan ng Pagluluto:
1. Timplahang maigi ng paminta at asin ang karne.
2. Ilagay ang temperatura ng oven sa 130༌C at ipasok ang karne na nakalagay sa baking pan at lutuin ito sa loob ng 3 horas, oo 3 horas, siguradong malambot ito, yong matutunaw sa bibig mo kapag sinubo mo.😃
3. Pagkatapos ng 3 horas ilagay ang temperatura sa 200༌C at ituloy ang pagluluto sa loob ng 8-10 minuto o hanggang sa maging malutong ang balat tulad ng nasa larawan.


Ang oras at temperatura na nilagay ko dito ay base sa oven na gamit ko. Pakicheck na lang din kapag sinubukan nyo ito, kung hindi sapat ang 3 horas pwedeng iadjust  ang oras ng pagluluto hanggang sa maging perfect  ang finish product.

Thursday, November 28, 2019

Paano Magluto Ng Masarap Na Adobong Baboy




Ang adobo ay isang uri ng pagluluto na ginagamitan ng suka at toyo. Maraming iba't ibang sangkap ang pwedeng gawing adobo ( gulay, lamang dagat, mga carne).Marami ring paraan ng pagluluto nito mula sa iba't ibang panig ng Pilipinas. Kung gusto mong masarap ang adobo, gayahin mo itong ibabahagi ko.

Mga sangkap:
1 kilo baboy (hiniwa)
1/2  tasa toyo
3/4 tasa suka
4 butil ng bawang (dinikdik)
pamintang durog ( ayon sa iyong panlasa
asin ayon sa iyong panlasa
2 tasa  tubig.

Paraan ng Pagluluto:
1. Igisa ang bawang hanggang sa medyo brown na ito saka ilagay ang karne ng baboy, lagyan ng asin at paminta ayon sa iyong panlasa, sangkutsain ito ng 3 minuto.
2. Ilagay ang toyo at suka, hintaying kumulo saka haluin, dahil kung hahaluin ito na hindi pa kumukulo ang suka nakakaapekto ito sa texture ng karne.Pakuluin ng 5 minuto.
3. Ilagay ang tubig, ituloy ang pagpapakulo, hanggang sa malapit ng lumambot at haluin paminsan minsan. Kapag malambot na ay patayin ang apoy, hanguin ang carne at patitisin ang sabaw. Ilagay sa isang tabi ang kalderong may sabaw.
4. Mag-init ng mantika, prituhin ang adobo hanggang sa maging medyo brown. Kapag tapos na ang prosesong ito ay ibalik sa kaldero na pinagkuhaan nito, sa katamtamang init ng apoy ay isalang ito hanggang sa tuluyan ng lumambot ang karne at lumapot ang sabaw ng adobo.
5. Ihain kasama ng kanin, maghugas ng kamay dahil magkakamay tayo :-).
Ang sarap nito mga kabayan, subukan na.

Kung gusto nyong iimprove ang lasa sa pamamagitan ng paglagay ng mga powder na panimpla nasa sa inyo na po yon.

Paalala:
Mag ingat sa pagpipirito nito, dahil tumatalsik ang mantika, takpan ang kawali habang pinipirito para maiwasang matalsikan ang sinoman.

Thursday, November 21, 2019

Paano Lutuin Ang Masarap na Inihaw na Baboy



Ang inihaw na baboy ay isa sa mga paborito kong ulam, mmmmm sarap lalo na kapag ang sawsawan mo ay nanonoot sa dila ang lasa, pagkagat mo ng inihaw mapapapikit ka sa sarap :-). Masarap na parte para sa inihaw ay ang liempo dahil ito ay kombinasyon ng laman at taba, juicy ang inihaw kapag maykasamang taba.

Mga sangkap:
1 kilo liempo ng baboy (hiniwa na pang ihaw)
1/2 tasa  katas ng calamansi
1/2 tasa  ng toyo
asin ayon sa iyong panlasa (pero kung ang toyo ay sapat sa alat di na kailangan maglagay ng asin)
pamintang durog ayon sa iyong panlasa


Paraan ng Pagluluto:
1. Pagsamasamahin ang lahat ng sangkap at ibabad ng 30 minuto bago lutuin.
2. Alisin sa pinagbabaran at huwag itapon ang katas ng pinagbabaran dahil ipapahid natin ito sa carne habang iniihaw. Kung walang katas ang pinagbabaran pwedeng gumawa ng toyo at calamansi na ipapahid sa carne habang iniihaw ito. Nakakatulong ito para lalong sumarap ang inihaw.
3. Kapag luto na ay hiwain ayon sa laki na gusto mo at ihain kasama ng kanin at paborito mong sawsawan.

Kung gusto nyong iimprove ang lasa sa pamamagitan ng paglagay ng mga powder na panimpla nasa sa inyo na po yon.

English Version
Ingredients:
  • 1 kilo pork belly ( sliced to a grilling size)
  • 1/2 cup calamansi or lemon juice
  • 1/2 cup soy sauce ( if salty, no need to season the pork with salt)
  • black pepper to taste
Procedure:
  1. Combine all the ingredients and marinate it for 30 minutes.
  2. Grill the pork belly and by using the marinade, baste the pork belly, and continue cooking until done.
  3. Slice to bite size when it’s done then serve rice and your favorite dipping sauce.


If you want to improve the taste of grilled pork by putting powdered flavor enhancer, it’s up to you.

Monday, October 14, 2019

Pork Adobo (Pata Tim Style)



Sorry mga kabayan kung mataba ang karne, yan kasi gusto ng mga pamangkin ko, ayaw nila sa laman :D .
Mga Sangkap
  • 1 kilo liempo ng baboy (hiniwa)
  • 1 tasa suka
  • 1/2 tasa toyo
  • 1 tasa Coke (dagdagan kung kailangan)
  • 1/2 kutsarita pamintang buo
  • 3 butil bawang (dinikdik)
  • 3 laurel dahon
Paraan ng Pagluluto:
  1. Igisa ang bawang, ilagay ang baboy at sangkutsahing maigi.
  2. Ilagay ang toyo, suka, paminta at laurel, takpan hanggang sa kumulo saka haluing maigi, at hayaang kumulo ito ng 2 minuto saka ilagay ang Coke. Takpan at pakuluan ang karne hanggang sa lumambot at haluin paminsan-minsan.
  3. Kapag malambot na, lakasan at apoy at patuyuin ang sabaw kung marami pa para lumapot ito at lalong sumarap.
  4. Ihain kasama ng kanin.

Search This Blog