Showing posts with label seafood. Show all posts
Showing posts with label seafood. Show all posts

Wednesday, July 29, 2020

Paano Lutuin Ang Tiyan Ng Bangus (Iwas Talsik Mantika)


Bumili ako ng 1 bangus na malaki, ang buntot at ulo ginawa kong paksiw at ang tiyan ay pinirito. Mmmmmm ang sarap!

Mga sangkap:
  • tiyan ng bangus
  • calamansi
  • harina
  • asin at paminta na panimpla
Paraan ng pagluluto:
  1. Pigaan ng calamansi ang tiyan ng bangus saka timplahan ng asin at paminta.
  2. Pagulungin sa harina para di sumabog at tumalsik ang mantika kapag pinirito, kapag mainit na ang mantika  ipirito ito  hanggang sa maluto.
  3. Ihain kasama ng kanin at sawsawan.

Thursday, April 9, 2020

Ginisang Sardinas




Kaming dalawa ni Malley (my husband) ay mahilig sa sardinas, sa kanya nilalagay sa tinapay, akin inuulam sa kanin :). Kaya I see to it na may stock ng sardinas para kung need ng madaliang paghahanda ng makakain meron kaagad magagawa. Tulad ngayon si Malley nasa London kaya nagisa na lang ako ng sardinas, tara kain tayo.
Mga Sangkap:
  • 1 lata ng sardinas
  • kalahating sibuyas (hiniwa)
  • mantika
Paraan ng Pagluluto:
  1. Lagyan ng kunting mantika ang kawali at kapag mainit na ilagay ang sibuyas gisahin ito (nasa iyo kung gusto mong medyo brown ang sibuyas o kunting gisa lang tulad ng gusto ko.)
  2. Pagkatapos ay ilagay ang sardinas at gisahin ito. Karamihan sa sardinas di na kailangang timplahan dahil malasa na, pero nasa sa iyo pa rin yon kung gusto mong dagdagan ang timpla.
  3. Ihain ito kasama ng kanin o tinapay. Sarap!

Thursday, March 19, 2020

Paksiw Na Ulo Ng Isda




Ang paksiw ay isa sa mga putahe na napakadaling lutuin. May mga kaibigan ako ayaw kumain ng paksiw dahil ayaw nila ang amoy ng suka, para sa akin masarap ang paksiw at nakakagana ang amoy ng suka. Ito ang paborito kong bahagi ng isda ang ulo, dahil masarap ang mata ng isda, (nasubukan nyo na bang kumain ng mata ng isda?) kahit anong luto basta ulo ng isda gustong gusto ko, lalo na ang paksiw, kaya ito ang ibabahagi kong putahe ngayon.


Mga Sangkap:

 4 piraso ulo ng isda (kahit anong isda na gusto mo)
1 1/2 tasa  suka
2 butil ng bawang (dinikdik)
 luya kasing laki ng hinlalaki (hiniwa)
1 maliit na bell pepper pula(hiniwa)
asin at paminta na panimpla


Paraan ng Pagluluto:

1. Pagsama-samahin sa caldero ang lahat ng mga sangkap at lutuin sa katamtamang lakas ng apoy hanggang sa maluto.
2. Ihain kasama ng kanin at maghugas ng kamay dahil masarap kumain ng nakakamay 😃 sarap!

Saturday, March 14, 2020

Crispy Hipon



Maraming ng iba't ibang putahe ng hipon ang aking nagawa,  pero itong breaded shrimp or crispy hipon ang aking napakadalas lutuin, kapag may handaan dahil bukod sa madaling gawin ay masarap pa.

Mga sangkap
1 kilo hipon (wala ng balat at malinis na)
asin at paminta ayon sa iyong panlasa
2 kutsara katas ng calamansi
1 tasa harina
2 tasa Panko o breadcrumbs
1 itlog (binati hinaluan ng 1/2 tasa tubig)

Paraan ng pagluluto:
1. Timplahan ang hipon ng paminta, asin at kalamansi. Haluing maigi.
2. Isa-isang pagulungin sa harina at isawsaw sa itlog at pagulungin sa Panko o breadcrumbs ang hipon.




3. Prituhin hanggang sa maluto at ihain kasama ng paborito mong sawsawan.

Monday, March 9, 2020

Paano Lutuin Ang Talaba


Isa sa pinakamasarap na lamang dagat ang talaba, malinamnam at sagana sa calcium at bitamina A, mababa din ang calories ng talaba. Sa Pilipinas mayroong talaba festival ang bayan ng Sibugay, Zamboanga  at Alaminos, Pangasinan. Mayroong iba't ibang paraan ng pagluluto nito gaya ng kilawin, ginisa, steamed, baked, inihaw, at marami pang iba. Ang ibabahagi ko ngayon ay kung paano ito i-bake.


Mga Sangkap:

10 piraso talaba
1 tasa cream cheese
1 1/2 tasa ginayat na keso
1 sibuyas hiniwa ng pino
2 kutsara carrots hiniwa ng pino
2 kutsara dahon ng sibuyas hiniwa ng pino


Paraan ng Pagluluto:

1. Maglagay ng 8 tasa ng tubig sa kaldero, kapag kumulo na ito ilagay ang talaba at pakuluan ng 5 minuto o hanggang sa maluto ito, karamihan sa talaba ay bumubuka kapag luto na. Kapag luto na ay hanguin ito at palamigin. Kapag malamig na ay buksan ito sa pamamagitan ng pag alis ng isang bahagi ng shell.



2. Sa pagawa ng palaman para sa talaba ay paghaluin ang 1/2 tasa ng keso, cream cheese, carrots, sibuyas at dahon ng sibuyas.

3. Gamitin ang natirang ginayat na keso pangbudbud sa ibawbaw ng napalamanang talaba.

4. Painitin ang oven sa 210 degrees celcius sa loob ng 10 minuto, pagkatapos nito ay ilagay ang talaba at lutuin sa loob ng 7 minuto, o hanggang sa maging maganda na ang kulay ng pagkaka-bake nito.

5.Ihain ng may ngiti sa iyong labi 😃.



Sunday, December 8, 2019

Paano Magluto Ng Masarap Na Paksiw




Paksiw na sakto sa asim at asin mmmmmm sarap!😄

Mga Sangkap:
1 kilo isda (malinis na)
1 tasa suka
luya kasing laki ng hinlalaking daliri (hiniwa)
3 butil ng bawang (dinikdik)
5 piraso siling haba
asin at paminta na panimpla

Paraan ng Pagluluto:
1. Ilagay ng maayos sa kaldero ang lahat ng mga sangkap, takpan at lutuin sa katamtamang init ng apoy.Hayaang kumulo sa loob ng 7 minuto.
2. Timplahang maigi ng asin at paminta, kung gusto mo ng masmarami ang sabaw pwedeng dagdagan ng suka at kung masyadong maasim ang suka dagdagan ng kaunting tubig para maneutralize ang asim. Ituloy ang pagpapakulo sa loob ng 3 minuto at patayin ang apoy.
3. Ihain kasama ang kanin.

Ang pagluluto ng isda kung ilang minuto ay depende sa laki at kapal nito. Kapag nasa 1 inch lang ang kapal maluluto ito sa loob ng 10 minuto.

Wednesday, December 4, 2019

Paano Lutuin Ang Halabos na Hipon



Ang halabos na hipon ang sinaunang paraan ng pagluluto ng hipon nang hindi pa uso ang kuryente, para matagal bago ito masira kahit hindi nakalagay sa refrigerator. Niluluto ito, na asin lang ang nilalagay para mapreserve.

Mga  Sangkap

1/2 kilo hipon
1/2 kutsarita asin

Paraan ng pagluluto:

1. Painitin ang kawali saka ilagay ang hipon at asin, sa malakas na apoy lutuin ito at madalas haluin hanggang sa maluto.
2. Kapag luto na ito pwede na itong iulam o ilagay sa garapon at takpang maigi para hindi kaagad masira.





Monday, December 2, 2019

Paano Magluto Ng Crispy Tahong




Masarap ang potahe na ito, malutong at malinamnam, subukan nyo.

Mga Sangkap:
1/2 kilo tahong
1 tasa harina
1 tasa bread crumbs o Panko
1 itlog binati kasama ang 1/4 tasa na tubig
kunting asin at paminta
mantika para pagprituhan

Paraan ng Pagluluto:
1. Isangag o pakuluan ang tahong hanggang sa maluto, palamigin at alisin ang laman. Timplahan ng kaunting asin at paminta ang laman ng tahong.
2. Pagulungin ito sa harina, pagkatapos ay isawsaw sa itlog at pagulungin sa bread crumbs.



harina, itlog, panko



3. Initin ang mantika at prituhing palubog ang tahong, kapag luto na ay hanguin ito.
4. Ihain kasama ng anomang sawsawan o salad.

Wednesday, October 2, 2019

Paano Magluto Ng Adobong Pusit


Sa pagluluto ng pusit para hindi makunat dapat 5-8 minuto lang, kapag lumampas diyan ay kukunat na sya, ang solusyon kapag kumunat na ay pakuluan mo na ng halos isang oras para lumambot.

Mga Sangkap:
  • 1 kilo pusit
  • 1/2 kutsarita tinadtad na luya
  • 2 butil bawang (dinikdik)
  • 2 piraso laurel
  • 4 kutsara suka
  • 2 kutsara toyo
  • asin at paminta na panimpla
Paraan ng Pagluluto:
  1. Igisa ang bawang at luya, ilagay ang pusit at laurel, lakasan ang apoy at haluing maigi.
  2. Ilagay ang suka, toyo, asin at paminta at pakuluan ito hanggang sa maluto.
  3. Ihain kasama ng maraming kanin :-).

Tuesday, October 1, 2019

Paano Gawin Ang Bangus Sisig

Isa sa mga putaheng masarap ang sisig, nasanay tayo sa sisig na karne, subukan naman natin itong bangus.Super sarap din po mga kabayan.

Mga sangkap:

1 boneless daing na bangus
2 piraso calamansi (piniga)
1 sibuyas ( hiniwa ng maliliit)
2 butil ng bawang (dinikdik)
kunting sibuyas dahon
asin at paminta na panimpla

Paraan ng Pagluluto:

1. Prituhin ang daing na bangus hanggang sa maluto, palamigin saka himayin ng maliliit.
2.  Igisa ang bawang at sibuyas, ilagay ang hinimay na isda at gisahing maigi.
3. Ilagay ang calamansi saka timplahan ng paminta at asin ayon sa iyong panlasa, haluing maigi at patayin ang apoy.
4. Ilagay ang dahon ng sibuyas at ihain kasama ng kanin.

Tuesday, July 30, 2019

Paano Gawin Ang Bangsilog


Bangsilog is another Filipino combo meal composed of Bangus ( milkfish)  Sinangag(Fried Rice) and Itlog ( Egg).
This is easy to prepare just clean the milkfish, add salt, lime or calamansi juice then fry until golden brown.
Fry the egg, then set aside.
For the fried rice, just saute the garlic then add a cup of rice and stir properly until done.

Arrange the fried milkfish, fried egg and fried rice in a platter and serve with a smile :-).
Bangus = BANG
Sinangag= SI
Itlog=LOG --------->BANGSILOG

Kung may balak kang magtinda ng mga SILOG (tapsilog, longsilog, etc) isama mo na ito sa menu mo o ihain mo sa pamilya mo para masaya :-).

Sunday, July 7, 2019

Paano Lutuin Ang Halabos Na Alimasag




Ang halabos ay isang paraan ng pagluluto na pinakasimple at napakadaling gawin dahil iluluto mo lang sa asin ang sangkap. Madalas hinahalabos ay lamang dagat dahil mabilis lang itong maluto tulad ng hipon, alimango, alimasag at mga kauri nito.
Sa paghahalabos ng alimasag, una hugasang maigi ang alimasag at patuluin ang tubig. I lagay sa kawali at lagyan ng asin na sapat para sumarap ang halabos. Lutuin sa malakas na apoy at haluin madalas para maging pantay ang pagkakaluto.
Kapag naluto na ihain ito. Super sarap!

Thursday, July 4, 2019

Paano Magluto Ng Paksiw Na Galunggong


Simpleng luto pero masarap. May mga kaibigan ako ayaw nila ng paksiw, pero para sa akin isa ito sa mga paborito kong putahe ng isda. Madaling lutuin at masarap.
Mga sangkap:
  • 1/2 kilo galunggong
  • 3 piraso siling haba
  • 2 butil bawang (dinikdik)
  • kunting luya (hiniwa)
  • 1/2 tasa suka
  • asin at paminta na panimpla
Paraan ng Pagluluto:

  1. Pagsama-samahin sa lutuan ang lahat ng mga sangkap takpan at hayaang kumulo  hanggang sa maluto. Timplahang maigi bago patayin ang apoy.
  2. Ihain.

Monday, July 1, 2019

Shrimp With Soft Drink


Nasubukan mo na bang magluto ng hipon at sinabawan mo ng soft drink? Well, kung hindi pa subukan mo dahil tiyak magugustuhan mo ito, lalo na kung mahilig ka sa medyo matamis na ulam.

Mga sangkap:
  • 1/2 kilo hipon
  • 2 butil bawang (dinikdik)
  • 1/2 tasa Sprite,Royal o Coke
  • 2 kutsara toyo
  • dahon ng sibuyas
  • asin at paminta na panimpla
Paraan ng Pagluluto:
  1. Igisa ang bawang, ilagay ang hipon at haluing maigi.
  2. .Ilagay ang soft drink at toyo, pakuluin ito 5 minuto or hanggang sa maluto ang hipon at haluin paminsan minsan at timplahan ng asin at paminta.
  3. Kapag luto na ay ilagay ang dahon ng sibuyas at ihain.
English Version
Ingredients:
  • 1/2 kilo shrimps
  • 2 cloves garlic (minced)
  • 1/2 cup Sprite, Royal or Coke
  • 2 tablespoons soy sauce
  • spring onion
  • salt and pepper to taste
Preparation:
  1. Saute the garlic then add the shrimps and stir well.
  2. Add the soft drink and soy sauce then simmer for 5 minutes or until the shrimps are cooked, while stirring occasionally then season with salt and pepper.
  3. Garnish with spring onion then serve.


This is very yummy!

Thursday, June 27, 2019

How To Make Grape Seaweed Salad




Mula noong bata pa ako ay gustong gusto ko na itong grape seaweed o lato kung tawagin namin (Davao). Hinuhugasan itong maigi saka tinitimplahan kapag kakainin agad, pero kung hindi kakainin agad mas maganda kung gagawa ka lang ng sawsawan nito para manatili syang fresh, dahil pagnababad sa suka ng matagal at pumuputok sya.
Mga Sangkap:
  • 2 tasa lato (hugasang maigi)
  • 2 kamatis (hiniwa)
  • 1 sibuyas (hiniwa)
  • 1/2 tasa suka
  • asin panimpla
Paraan ng paghahanda:
  1. Pagsama-samahin ang lahat ng mga sangkap at haluing maigi.
  2. Ihain kasama ng paborito mong ulam.
English Version
Ingredients:
  • 2 cups grape seaweeds (cleaned well)
  • 2 tomato (sliced)
  • 1 onion (sliced)
  • 1/2 cup vinegar
  • salt to taste
Procedure:

  1. Combine all the ingredients and mix well.
  2. Serve with your favorite viand.

Saturday, June 22, 2019

Paano Magluto Ng Paksiw Sa Gata


Isa sa mga gusto ng asawa ko ang putaheng ito, lalo na ang sabaw dahil malinamnam.
Mga sangkap:
  • 2 piraso tilapia o anomang isda na gusto nyo (malinis na at hiniwa)
  • 1 sibuyas (hiniwa)
  • luya kasing laki ng hinlalaki (hiniwa)
  • 2/3 tasa suka
  • 1 tasa kakang gata
  • asin at paminta na panimpla
Paraan ng Pagluluto:
  1. Ilagay sa kaldero ang suka, sibuyas, luya at isda, takpan at pakuluan hanggang sa maluto ang isda.
  2. Ilagay ang gata at timplahan ng asin at paminta, pakuluin ang gata hanggang sa maluto.
  3. Ihain ng mainit.
English Version
 Ingredients:
2 tilapia or any fish ( cleaned )
1 medium size onion Sliced)
thumb size ginger (sliced)
3/4 cup vinegar
1 cup coconut milk
salt and pepper to taste

Procedure:
1. In a cooking pot put the vinegar, onion, ginger and the fish then cover and bring to a boil.Simmer until the fish is cooked.
2. Add the coconut milk, pepper and salt to taste, simmer until done.
3. Serve it hot.

Thursday, June 20, 2019

How To Make Clam Soup



Maliliit lang pero siksik sa sarap ang sabaw ng halaan. Higop na!
Mga Sangkap:
  • 1/2 kilo halaan
  • luya kasing laki ng hinlalaki ( hiniwa)
  • 1 sibuyas (hiniwa)
  • 1 kamatis (hiniwa)
  • 1 1/2 tasa tubig
  • sibuyas dahon
  • asin panimpla
Paraan ng Pagluluto:
  1. Igisa ang luya, sibuyas at kamatis, saka ilagay ang halaan at igisa ito hanggang sa bumuka.
  2. Ilagay ang tubig at hayaang kumulo ng 10 minuto o hanggang sa maluto. Timplahan ng asin.
  3. Ilagay ang dahon ng sibuyas at ihain. Higop na!
English Version
Ingredients:
  • 1/2 kilo clams (hugasang maigi)
  • thumb size ginger (strips)
  • 1 onion (sliced)
  • 1 tomato (sliced)
  • 1 1/2 cup water
  • spring onion
  • salt to taste
Procedure:
  1.  Saute the ginger, onion and tomato then add the clams and saute for 2 minutes or until the shells opened.
  2. Add the water and boil for 10 minutes or until done. Do not forget to season with salt.
  3. Add the spring onion then serve in a bowl and enjoy.

Wednesday, June 19, 2019

How To Cook Milkfish Paksiw

Isa sa mga paborito kong putahe sa bangus ay paksiw, masarap at nakakagana yong saktong asim ng suka, mmmmmmm sarap.
Mga sangkap:
  • 1 bangus (hiniwa at malinis na)
  • 1/2 tasa suka
  • 1/2 tasa tubig
  • 3 piraso siling haba
  • luya kasing laki ng hinlalaki (hiniwa)
  • 1 maliit sibuyas (hiniwa)
  • 2 butil bawang (dinikdik)
Paraan ng Pagluluto:
  1. Ilagay sa kaldero ang lahat ng mga sangkap maliban sa tubig at pakuluin, kapag kumulo na ay hinaan ang apoy at hayaang kumulo hanggang sa maging halfed cooked ang isda.
  2.  Ilagay ang tubig at hayaang kumulo hanggang sa maluto ang isda.
  3. Ihain kasama ng maraming kanin.
English Version
Ingredients:
  • 1 milkfish ( sliced and cleaned)
  • 1/2 cup vinegar
  • 1/2 cup water
  • 3 pieces chili finger
  • thumb size ginger (sliced)
  • 1 small onion (sliced)
  • 2 cloves garlic (crushed)
  • salt and pepper to taste
Procedure:
  1. In a pot put all the ingredients except the water then allow to boil, when boiling reduce the heat and simmer  until the fish is half cooked.
  2. Add the water and continue to boil until the fish is fully cooked.
  3. Serve it hot with extra rice.

Monday, June 17, 2019

How To Cook Garlic Butter Shrimp



Ang hipon na may mantikilya at bawang ay isa sa mga kumon at bantog na putahe ng hipon. Nasa sa iyo na kung gusto mong balatan na ang hipon o hindi. Napakadaling lutuin at simple lang ang mga sangkap.
Mga sangkap:
  • 1/2 kilo hipon (malinis na)
  • 2 kutsara mantikilya
  • 4 butil bawang (tinadtad)
  • asin at paminta na panimpla
  • dahon ng sibuyas
Paraan ng Pagluluto:
  1. Tunawin ang mantikilya at ilagay ang bawang, igisa ito hanggang sa mapirito.
  2. Ilagay ang hipon at lakasan ang apoy, timplahan ng asin at paminta. Haluing madalas hanggang sa maluto.
  3. Budburan ng piniritong bawang at dahon ng sibuyas bago ihain.
English Version:
Ingredients:
  • 1/2 kilo shrimps (cleaned)
  • 2 tablespoons butter
  • 4 cloves garlic (chopped)
  • salt and pepper to taste
  • spring onion for garnishing
Procedure:

  1. Melt the butter then add the garlic and saute until brownish.
  2. Add the shrimps and cook over high heat, season with salt and pepper,  stirring constantly until done.
  3. Sprinkle with fried garlic and spring onion before serving.

Friday, June 14, 2019

Paano Magluto Ng Tinolang Bangus

Natikman nyo na ba ang tinolang bangus? Kung hindi pa, magluto ka na kabayan at sigurdong magugustuhan mo ito.

Mga sangkap:
  • 2 piraso bangus (hiniwa)
  • 8 tasa tubig
  • 1 sibuyas (hiniwa)
  • 2 kamatis (hiniwa)
  • luya kasing laki ng hinlalaki (hiniwa)
  • 1 tasa malunggay
  • asin panimpla
Paraan ng Pagluluto:

  1. Ilagay sa kaldero ang sibuyas, luya, kamatis, bangus at lagyan ng asin, takpan at lutuin sa mahinang apoy. Kapag medyo luto na ang isda, ilagay ang tubig at lakasan ang apoy at pakuluan ang isda hanggang sa maluto.
  2. Timplahang maigi at ilagay ang malunggay at patayin ang apoy.
  3. Ihain kasama ng kanin. Ang sarap!

Search This Blog